Í Garðaseli er unnið með Leikur að læra-kennsluaðferðina í leik og starfi, m.a. í hópastarfi og hreyfingu. Leikur að læra er kennsluaðferð þar sem öll kennsla er hugsuð út frá þörfum barna til að leika og hreyfa sig og upplifa námsefnið i gegnum mismunandi skynfæri. Leikur að læra er að mestum hluta kennarastýrður þar sem frjálsi leikurinn fær sitt rými.

Kennsluaðferðin gengur út á að kenna börnum á aldrinum tveggja til tíu ára öll bókleg fög í gegnum leiki, hreyfingu og skynjun á skipulagðan, líflegan og árangursríkan hátt. Leikur að læra er ekki ein bók, eitt spil eða ein námsgrein. Leikur að læra er kennslustíll. Kennari sem hefur tileinkað sér kennsluhætti LAL fer að hugsa námsefnið út frá öðru sjónarhorni – frá sjónarhorni barna og þörf þeirra til að hreyfa sig. Með því að nota kennsluaðferð LAL höfum við áhrif á andlega og líkamlega heilsu nemenda okkar til framtíðar. Þau venjast því að standa upp og hreyfa sig reglulega og sjá að það er viðurkennt að við lærum á mismunandi hátt.

Frekari upplýsingar um kennsluaðferðina má finna á heimasíðu LAL:

Heimasíða Leikur að læra (LAL)

© 2016 - 2020 Karellen